Хуучин дэвтрээ сөхөж суугаад энэ шүлгийг оллоо. Миний хувьд эртний шүлгүүдийн нэгд тооцогдох эд дээ. Sunday Service гэдэг нь Христ гаралтай шашнуудын хувьд нэг ёсны цугларал, бурхантай хийх уулзалт юм л даа. Ер нь бүтэн сайн өдөр бол бурханы өдөр гэж Христүүд үздэг. Миний санахнээ энэ шүлгийг би нэг бүтэн сайн өдөр л уулзалтан дээр бичсэн санагдаж байна.
Бүтэн сайн өдрийн өглөө сүмийн хонх
Бяцхан суурийнгийн дээгүүр тахиа донгодох мэт дуугарлаа
Бүтэн нойргүй хоносон номологч аль эрт босоод
Мөргөл үйлдэж сэтгэлээ бэлтгэлээ
Цугласан олон тарахдаа
Еваг алим идсэнд нь зүхэцгээв
Ариун сүмийн хаалгийг хаагаад
Номлогч гэртээ харьж эрт орондоо оров
Зүүдэндээ номлогч залуу бүсгүйтэй учирч
Зүүдэндээ тэр өөрийгөө диваажинд байна гэж боджээ
Даваа гаригийн өглөө номлогч эрт сэрэв
Нөмөрч хоносон даавуун хөнжил
Норсон байв
Орны дэргэд ширээ
Ширээн дээр ариун библи
Сөхөж харвал ишлэл үг:
“Нүгэлгүй хүн үгүй”.
Тайлж уншивал: бид бүгд ижилхэн
Алимны модноос ургасан жүрж.
2005.09.30
Сэтгэгдэлүүд:
Сэтгэгдэл үлдээх: