ХАР ШҮЛГҮҮД... С. Болдсайхан

Өлсөглөнд нэрвэгдэж
Өвчинд эдэгдэж
Газар хөдлөж
Галт уул дэлбэрч
Усны түвшин нэмэгдэж
Улс бүхэн живээд
Царцааны нүүдэлд дарагдаж
Цэцэг, навч, ургамал бүхэн үхээд
Хүчит хар салхи дэгдэж
Хүний иргэншил мөхөхийн цагт
Тахианы, нохойны, гахайны,
Тарвагны, зарааны, үнэгний,
Шоргоолжны, мэлхийний, шавжны
Шувууний, чононы, загасны,
Үнээний, тэмээний, ямааны,
Үлэг гүрвэлийн, арслангийн, могойны
Алиных нь ч иргэншил тогтож болно.

Заримдаа би энгэж бодохоор өөрийгөө
Зараатай, тахиатай, нохойтой, гахайтай,
Шоргоолжтой, мэлхийтэй, шавжтай,
Шувуутай, чонотой, загастай, жоомтой,
Үхэртэй, тэмээтэй, ямаатай, мортой, хоньтой,
Үлэг гүрвэлтэй, матартай, могоотой, аалзтай,
Үнэндээ ямар ч ялгаагүйгээ мэдэрдэг.
                           2006.03.23